Nde ypýpe

(Jotabé)


Rohecháramo reju, hi'ãnte ikatu
aja nderehe ha ñemi rohetû.

Aipyténe vevuimi pe eirete
oñongatúva nde juru mbyte
ha, ipirîne he'ênguépe che ánga katuete,
oguerekógui paje memete.

Nde ypýpe yvága rokê ahupyty
ha mbeguekatúpe aipo'o nde poty.

Nde ha'e pe tekove marangatu
aipotáva ko'ápe, che mba'erãite,
ahai haguã ára ha ára ñe'êpoty.


Traducción al español


Cerca de ti


Cuando te acercas, deseo
rozarte y robarte un beso.

Libaría suavemente la miel
que guardan tus labios
y, con certeza se erizaría mi alma
porque tiene la magia de un hechizo.

Cerca de ti, alcanzo las puertas del cielo
y lentamente deshojo tu flor.

Eres el ser maravilloso
que deseo tener aquí, solo para mí,
para escribir a diario mi poesía.